فرصة مهمة: المندوبية العامة لإدارة السجون كتقلب على أطباء ومهندسين!
إذا كنت خريج في الطب العام أو عندك شهادة مهندس فمجالات مثل الهندسة المدنية، الكهربائية، المعلوماتية أو حتى الأمن السيبراني… راه جاتك فرصة زوينة! المندوبية العامة لإدارة السجون وإعادة الإدماج علنات على مباراة باش توظف 28 شخص في منصب “قائد السجون مساعد من الدرجة الأولى”.
موعد المباراة:
نهار الأحد 21 شتنبر 2025، وغادي تكون فمدينة تيفلت أو شي مركز آخر.
شنو خاص يكون عندك؟
- تكون مغربي أو مغربية، وعمرك ما بين 21 و35 سنة (تقدر توصل حتى لـ40 سنة فبعض الحالات).
- عندك دكتوراه فالطب أو شهادة مهندس دولة، أو شي دبلوم معترف بيه بحالهم.
- تكون بصحة جيدة، يعني ما عندك لا مشاكل فالنطق، لا مشاكل نفسية أو بدنية لي تقدر تعرقل الخدمة.
- عندك نظر معقول (16/10 على الأقل)، وتقدر تستعمل نظارات.
- الطول؟ خصو يكون 1.73 متر على الأقل للرجال، و1.64 متر للنساء (لكن ممكن يتغاضاو على هاد الشرط فبعض الحالات).
- واخا هادشي كامل، خاصك توقع التزام تخدم على الأقل 8 سنين فالسجون، وإلا خاصك ترجّع الفلوس اللي خديتي خلال التكوين!
طريقة الترشيح؟ سهلة!
- التسجيل الإلكتروني:
دخل لموقع www.dgapr.gov.ma، وسجل، ورفع الوثائق بصيغة PDF قبل 15 غشت 2025 مع الرابعة والنصف. - شنو خاصك دير فالملف؟
- طلب ترشيح من الموقع.
- نسخة من بطاقة التعريف.
- الشهادة اللي كتثبت تخصصك (طب أو هندسة).
- شهادة طبية حديثة فيها الطول، النظر، وتكون بلا تشطيب.
- إذا كنت خديتي تكوين عسكري أو خدام، زيد الشهادة أو الترخيص.
- وإذا كنت من ذوي الحقوق (محارب قديم، مقاوم، مكفول الأمة…) زيد الوثائق الخاصة بيك.
كيفاش كيدوزو المترشحين؟
كاين انتقاء أولي، ثم:
- الاختبار الكتابي: مدتو ساعتين ونص، فيه أسئلة عامة أو QCM.
- الاختبار الشفوي أو التطبيقي: غادي تهضر مع لجنة أو تدير تمرين تقني، حسب التخصص.
وخا تنجح، خاص اللجنة الطبية تتأكد من سلامتك الصحية، وقد تطلب تحاليل وفحوصات إضافية.
ملاحظات مهمة:
- الإعلان عن المقبولين غادي يكون ابتداء من 8 شتنبر.
- الاستدعاء كيكون إلكتروني فقط.
- التواصل مع المترشحين غادي يكون عبر الإيميل اللي دخلتي أثناء التسجيل.
بالمختصر المفيد:
إذا كنت كتقلب على وظيفة مستقرة، وعندك المؤهلات المطلوبة، لا تضيع الفرصة! جمع أوراقك، وسجل قبل يفوتك الوقت. وخلي في بالك أن المندوبية كتعطي أولوية حتى للي سبق وخدمو فالعسكر أو من عائلات الشهداء والمقاومين.
بالتوفيق 💪
